ރޭ ކަރަންޓުގެ ޚިދުމަތް މެދުކެނޑުނީ އިންޖީނުގޭގައި ހުރި މެއިން ފޯމަރެއް އޮފްވެގެން

ފުވައްމުލަކު އިންޖީނުގޭ ގޯތިތެރޭގައި ހުރި ބޮޑު ދެ ފޯމަރުގެ ތެރެއިން އެއް ފޯމަރަށް ދިމާވި ޓެކްނިކަލް މައްސަލައަކާ ގުޅިގެން ނިވުމުގެ ސަބަބުން، ރޭ ދަންވަރުގެ ވަގުތެއްގައި ރަށުގެ ބައެއް ހިސާބުތަކުން ކަރަންޓުގެ ޚިދުމަތް މެދުކެނޑިއްޖެއެވެ.

ރޭ 12:00 ހާއިރު ކަރަންޓުގެ ޚިދުމަތް މެދުކެނޑިފައިވާ ސަރަޙައްދުތަކަކީ

• ދަޑިމަގު
• ހޯދަޑު
• ފުނާޑު
• މިސްކިތްމަގު
• މާލެގަން

މި ފޯމަރު ކުއްލި ގޮތަކަށް ނިވެން ދިމާވި ވަކި ސަބަބެއް މިހާތަނަށް ފާހަގަކުރެވިފައި ނުވި ނަމަވެސް، ފަންނީ މުވައްޒަފުންގެ މަސައްކަތުން ކަރަންޓު ކެނޑުނުތާ 45 މިނިޓުތެރޭގައި ވަނީ އަލުން ޚިދުމަތް ދީފައެވެ.

ދަންވަރުގެ ވަގުތެއްގައި މިފަދަ ކަމެއް ދިމާވުމުގެ ސަބަބުން ރައްޔިތުންނަށް ބޮޑެތި އުނދަގޫތަކާއި ނުތަނަވަސްކަމާ ކުރިމަތިލާންޖެހުނެވެ.